خبر های ویژه
28 شهریور 1395
تیکمه داشلی ؛ خسته قاسیم لا
بیرگؤروش
خسته قاسیم روایت لر اساسی ندا ، 1027 نجی شمسی ایل ده تهران تبریز یولونون کناریندا قار قالان داغین اته گینده بئر لشن داشلیغ کندی تیکمه داش دا دونیا یه گوز آچیب!
خسته قاسیم روایت لر اساسی ندا ، 1027 نجی شمسی ایل ده تهران تبریز یولونون کناریندا قار قالان داغین اته گینده بئر لشن داشلیغ کندی تیکمه داش دا دونیا یه گوز آچیب! تیکمه داشدان کئچن یول چولو گزه نلر اونا داشلیغ آدی وریب لر.
قاسیم دوغما کندینده ملا مکتبی نی باشا ووراندان سونرا؛ دوورونون علم مرکز لریندن اولان اردبیلده تحصیل آلیب . شیخ صفی مدرسه سینده یارادیجیلیغا ائله او ایل لرده باشلاییب.
" خسته قاسیم اردبیل سفری " داستانینا گوره معلم اونا نه قدردرس ئویرتسه ده ، قاسم باشا دوشمور، آخیرده معلمی اونون مکتبدن چیخاریشی ایله حه ده له ییر. قاسیم ین الی هریئر دن اوزولور. او گئجه حضرت علی نی یوخودا گؤرور، اوندان فیض آلیر. بیر گئجه نین ایچینده، طریقتین ان یوکسک رتبه لرینه چاتیر.
خسته قسیم سونرالار 14 ایل مدتینه قم و نجف شهرلرینده دینی تحصیل آلیر. 20 ایل دن چوخونی علملر ئویرنمه گه صرف ائدیر.
شعرلرینده ن بل لی اولدوغو کیمی ، خسته قاسیم قران کریمی ازبردن بیلمک له یاناشی ، مقدس کیتابی آوازیله اوخویار ، عینی زماندا ، ماهیر خطاط اولدوغونا گوره ؛ اﺅز خطی له قرآن مجید و باشقا قیمت لی کیتابلارین اﺅزونو یازمیشدی !
خسته قاسیم ، بیچاره قاسیم ، موللا قاسیم تخلوص لریله شعرلر یازان عاشیقین " خسته "تخلصون گوتورمه سی له مختلف فیکرلر سویله ن مک ده دیر! بو فیکیرلر آراسیندا حاق عاشیقین ئوزونو عشق خسته سی آدلاندیرماسی گومانی دا وار. چون کی خسته قاسیم گنج یاشلاریندان تصوف دایره سی نه داخیل اولموش . عالی حقیقت آختاریشینا چیخمیشدیر!
خسته قاسیمین یارادیجلیغی چوخ شاخه لی له سئچیلیر.اﺅ کلاسیک شعر ژانرلاریندا، غزل، قصیده ، مثنوی یازماقلا یاناشی، ایلک دفعه عاشیق ادبیاتیندا " دوشله مه " شعر نوعون اساسی نی گویموش ، گوشما – موستضاد، عاشیق یارادیجلیقیندا بو گونه جک معلوم اولان ایلک "دوداق دیمز" نمونه سینی ده ، او یاراتمیشدیر.
موستضاد شعرینده قرآن کریم ده اولان " یاسین " سوره سی ده باخیب ، خسته قاسیم بئله یازیب:
ایگید اولان ایخلاص باغلار یاسینه اوخودوم قرآن چیخدیم یاسینه
نامرد بوینو یا سینا عاشیق دئیه ر یا سینا
یا اینجیه یا سینا نا نجیبه سوز دئمه
ائشیدنلر دئیرلر آی حایف حایف یا سینا قاسیم اولر ، ائللر گلر یاسینا
بونلاردان علاوه ، خسته قاسیم هم ده " اول – آخیر" دئیبلن شعر صنعت نمونه سینی ایلک دفعه بیر گرایلی سیندا ایشلتمیش دیر.
آی عاریف لر بیر طرلانیم اﺅچوب دور
ساغ الیمدن سول الیمه آلینجا
اونو توتان خیرین ، بهرین گورمه سین
من یازیغین ناله سی وار دالینجا
آنجاق عاشیق ادبیاتیندا خسته قاسیم داها چوخ ئوز( اوز) اوستادنامه لرینن ایله مشهور دور!
ئومرونون چوخون فوربت ده گئچیردن خسته قاسیم یارادیجیلیغیندا وطن حسرتلی شعرلرینین ده خصوصی یئری وار.
خسته قاسیم آدی ایله " خسته قاسیمین دربند سفری له" ؛ " خسته قاسیمین اورمیه سفری" ؛ " خسته قاسیمین داغستان سفری " داستانلاری گونوموزه قده ر گلیب چاتماسا دا! " علیار و معصوم" ؛ "جمال ایله عبدالله " ، خسته قاسیم و ملک سیما" داستان لارینین اونون طرفیندن یارادیلدیغی سویله نیلیر !
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت