خبر های ویژه
13 آذر 1398
قطعه هشتم از منظومه حلاج اوغلو برای عینالی
ائینالی ائل داغی
تبریزین همتی تک آی اوجا باش ائینالی داغیم! داها بویلان دی گوره ک گورسه نیر " حیدربابا " نین غصه لی سازی ؟ آیدین اولموش می اوره کده بوغولان راز و نیازی ؟ نه دئمیشدیر، نه دئییر او " باشی طوفانلی سهنده"؟ " ده لی جئیرانلی سهنده "؟ سویله بیر : شاعر آدی له " داها آرتیق اوجالیرسان "؟ "او دماوند داغیندان باج آلیرسان"؟ "شئر الیندن تاج آلیرسان "؟ سویله آی ائل داغی ، آی ائل دایاغی ، ائینالی داغیم ! او گوزو یاشلی " بولود" تحفه وئریر کووشنه ، کنده ؟ یئنه ده سپمه ده دیر میرواری گوزدن شن باهارین گلینی کنده گلنده؟ اوبالی " توک پاپاغی " یانقیلیجی قویموش او شاعر باشینی دیک توتور حیدر بابا تاجی اگیلنده ؟ قوور اصلان سایاقی تولکو گوره نده ؟ اوبایا قورد تپیلنده ؟ گور دئییر ایندی ده: من شانلی" سهندم" ؟ یئنه سئومک دی ، سئویلمک دی سوزو دیلده دیلک ده؟ سونمه ین عشق اودو دور یانقیلاری داغلی اوره کده؟ گور دئییر من بو گوزه ل ائللره بندم؟
تبریز امروز:
تبریزین همتی تک آی اوجا باش ائینالی داغیم!
داها بویلان دی گوره ک
گورسه نیر " حیدربابا " نین غصه لی سازی ؟
آیدین اولموش می اوره کده بوغولان راز و نیازی ؟
نه دئمیشدیر، نه دئییر او
" باشی طوفانلی سهنده"؟
" ده لی جئیرانلی سهنده "؟
سویله بیر : شاعر آدی له " داها آرتیق اوجالیرسان "؟
"او دماوند داغیندان باج آلیرسان"؟
"شئر الیندن تاج آلیرسان "؟
سویله آی ائل داغی ، آی ائل دایاغی ، ائینالی داغیم !
او گوزو یاشلی " بولود"
تحفه وئریر کووشنه ، کنده ؟
یئنه ده سپمه ده دیر میرواری گوزدن
شن باهارین گلینی
کنده گلنده؟
اوبالی " توک پاپاغی " یانقیلیجی قویموش او شاعر
باشینی دیک توتور حیدر بابا تاجی اگیلنده ؟
قوور اصلان سایاقی
تولکو گوره نده ؟
اوبایا قورد تپیلنده ؟
گور دئییر ایندی ده: من شانلی" سهندم" ؟
یئنه سئومک دی ، سئویلمک دی سوزو
دیلده دیلک ده؟
سونمه ین عشق اودو دور یانقیلاری داغلی اوره کده؟
گور دئییر من بو گوزه ل ائللره بندم؟
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت