گورمه دیم

حسین جاوید

بیلمه دیم ، اویدوم شو مجنون کونلومون فریادینه عشقه دل وئردیم، بلادان باشقا بیر شئی گورمه دیم

تبریز امروز:

بیلمه دیم ، اویدوم شو مجنون کونلومون فریادینه

عشقه دل وئردیم، بلادان باشقا بیر شئی گورمه دیم

روح مجروحیم گوزه للر دن وفا بکلر ینه

من هنوز اصلا جفادن باشقا بیر شئی گورمه دیم

گورمه دیم اصلا تیکان سیزگل ، قارانلیق سیز ایشیق

هر وصالی دائما تعقیب ائدر بیر آیریلیق

سویلییورلار: "دائمی ذوق و سعادت وار" یازیق!

سیر ایدیب بوش ادعادن باشقا بیر شئی گورمه دیم

گوردوگوم هر مضطرب سیمایه دویدوم مرحمت

یاره ، هم اغیاره یار اولدوم دا، سئودیم بی جهت

آشنا ظن ائتدیگیم هر اوزده هیهات ! ... عاقبت

بوش تملقدن ، ریا دان باشقا بیر شی گورمه دیم

هر محبت بیر خیانت ، هر گولوش بیر حیله دیر

هر سعادت روحو اوخشار ، پن سونون بیر شعله دیر

بلکه وار سهویم؟ فقط گوردوکلریم هپ بویله دیر....

گورمه دیم اصلا بلادن باشقا بیر شئی گورمه دیم