خبر های ویژه
11 اسفند 1403
یورا بیلمز یوللار منی
مدینه گولگون
آتام خسته کیمینیدی،آما گوزلرینده حیات و یاشام ایشیقی پاریلداییردی! بیر کوچیه چیخدیم ، کیتاب آلماق ایستیردیم بلکه ده ائوده داریخماسین و اوندا "یورا بیلمز یوللاری " گوزلریمه ساتاشدی! مدینه خانیمی تانیردی و اوندان خاطیره بو شعر اولان آدلی کیتابی آتام اوچون آلدیم ! چون یوللار اونودا یورمادی! گاه آراندا, گاه داغدایام گاه چمنده, گاه باغدایام یاخیندایام, اوزاقدایام یورا بیلمز یوللار منی.
تبریز امروز:
آتام خسته کیمینیدی،آما گوزلرینده حیات و یاشام ایشیقی پاریلداییردی! بیر کوچیه چیخدیم ، کیتاب آلماق ایستیردیم بلکه ده ائوده داریخماسین و اوندا "یورا بیلمز یوللاری " گوزلریمه ساتاشدی! مدینه خانیمی تانیردی و اوندان خاطیره بو شعر اولان آدلی کیتابی آتام اوچون آلدیم ! چون یوللار اونودا یورمادی!
یورا بیلمز یوللار منی
مدینه گولگون
گاه آراندا, گاه داغدایام
گاه چمنده, گاه باغدایام
یاخیندایام, اوزاقدایام
یورا بیلمز یوللار منی.
گاه باهار, گاه قارلی قیشام
بو حیاتدان دویمامیشام
سفرده‌یم سحر، آخشام
یورا بیلمز یوللار منی.
گاه آنالار آنام اولار
گاه بولاقلار لایلام اولار
او لایلالار دونیام اولار
یورا بیلمز یوللار منی.
گاه اومیدیم چیچکله‌نر
گاه بیر گونوم ایله دؤنر
حیات دنیز، قالخار ، ائنر
یورا بیلمز یوللار منی.
گاه بولود تک دولار کؤنلوم
گاه تک- تنها قالار کؤنلوم
گاه بلدچی اولار کؤنلوم
یورا بیلمز یوللار منی.
گاه قوشلارلا یاریشارام
گاه سئللره قاریشارام
دره ائنیب داغ آشارام
یورا بیلمز یوللار منی.
نغمه دولو بیر اوره‌یم
گاه جوشغونام، گاه کؤوره‌یم
بیر اومیدلی گله‌جه‌یم
یورا بیلمز یوللار منی.
بابام قورقودون سازی‌یام
ننه‌م تومروسون قیزی‌یام
زامان- زامان یاناسی‌یام
یورا بیلمز یوللار منی.
ائل آرخامدیر دار آیاقدا
بیر معنا وار یاشاماقدا
دوغولدوغوم بو تورپاقدا
یورا بیلمز یوللار منی.
گاه دؤنه‌رم سؤنمز اودا
آرزوم دنیز، من بیر آدا
آند ایچیرم بو حیاتا
یورا بیلمز یوللار منی.
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت