منابع در صحبت با روزنامه ۸صبح میگویند که این افراد روز سهشنبه، ۱۴ سنبله، در مرز میان افغانستان و تاجیکستان کشته شدهاند.
به گفته منابع، این درگیری زمانی رخ داده است که جنگجویان گروه جماعت انصارالله میخواستند از طریق ولسوالی درواز ولایت بدخشان افغانستان وارد خاک تاجیکستان شوند.
مقامهای تاجیکستانی و گروه جماعت انصارالله تا کنون بهگونه رسمی در این مورد ابراز نظری نکردهاند.
افراد گروه جماعت انصارالله در حالی میخواستند از طریق افغانستان وارد خاک تاجیکستان شوند که طالبان همواره حضور گروههای «تروریستی» در کشور را تکذیب کردهاند.
براساس توافق دوحه، طالبان متعهد شده بودند که روابط خود با گروههای تروریستی منطقهای و بینالمللی را قطع کنند.
با این حال، پس از برگشت این گروه به قدرت، شورای امنیت سازمان ملل متحد، ایالات متحده امریکا، روسیه، چین، تاجیکستان، اوزبیکستان، سازمان پیمان امنیت جمعی و برخی از سازمانهای امنیتی دیگر از حضور گروههای تروریستی در افغانستان ابراز نگرانی کردهاند.
یافتههای روزنامه ۸صبح نشان میهد که حدود ۳۰۰ خانواده اعضای حرکت اسلامی اوزبیکستان و انصارالله تاجیکستان در شمالشرق، بهویژه در بدخشان، زندهگی میکنند.
