خبر های ویژه
5 مرداد 1397
ائل و معارف خادیمی میرزا حسن رشدیه !
حاجی میرزا حسن رشدیه نین تازه تدریس اصولی اساسیندا مکتبلر آچماسی سعیی خصوصیله اهمیتلی دیر؛ رشدیه نین آچدیغی مکتب، استبداد طرفیندن 9 دفعه باغلاندی ایسه؛ او ئوز فکریندن ال چکمه دی و تازه مکتبده تازه الفبا اساسیندا آذربایجان دیلینده تدریسی دوام ائتدیردی.
تبریز امروز:
.jpg)
یوز ایله یاخین عمرینی معارف , آزادلیق یولوندا، نادانلیق و جهالت علیهینه مبارزه ایشینه صرف ائتمیش اولان گوجامان معلم مرحوم حاجی میرزا حسن رشدیه آذربایجان ملتینین فخر ائده جگی ان پارلاق و تاریخی سیمالاردان بیریدیر. .jpg)
رشدیه آذربایجان خالقینین ان بویوک خلق و معارف خادمیدیر. او یاخشی بیلیردی که هر خلقین ترقیسی اونون مدنی -معارف سویه سینین ترقیسی ایچون شرایط و وسایلین موجودیندان آسیلیدر. محض بونا گوره ده او، بو شرایطی یاراتماق و لازملی وسایلی الده ائتمک اوغروندا وار قوه سی ایله چالیشمیشدر.
.jpg)
رشدیه بویوک تجربه لی بیر معلم ایدی. او تعلیم و تربیت اصولینین اساسی اولان آنادیلین، خلقین ئوز دیلین ترویج و تبلیغ ائدیردی. بئله که او هر شئیدن اول آذربایجان الفباسینی آسانلاشدیرماق فئکرینه دوشموش و صوتی اصول ایله آذربایجان دیلین درس دئمک تشبثده اولموشدور. بو اصولین کومگیله اوشاقلار ئوز آنا دیللرینی آتمیش ساعتلیک تدریس مدتینده یازیب اوخوماغی ئوگرنه بیلیردیلر.
.jpg)
آذربایجان دیلینین تدریسی ایچون رشدیه نین اسلوبیله تالیف ائتدیگی مشهور کتاب یوز اون ایل بوندان قاباق تبریزده چاپ و نشر اولموش «وطن دیلیـی » آدلی تاریخی اثردیر.
بو کتاب ایسته ر دوغما آذربایجان دیلینده اولماسی اعتباریله، ایسته ر تازه صوتی اصول تدریس ایله یازیلماسی جهتدن و ایسته رسه ده علمی نقطه نظردن آذربایجان معارفی تاریخینده مثل سیز بیر اثر دیر.
.jpg)
حاجی میرزا حسن رشدیه نین تازه تدریس اصولی اساسیندا مکتبلر آچماسی سعیی خصوصیله اهمیتلی دیر.
رشدیه نین آچدیغی مکتب، استبداد طرفیندن 9 دفعه باغلاندی ایسه؛ او ئوز فکریندن ال چکمه دی و تازه مکتبده تازه الفبا اساسیندا آذربایجان دیلینده تدریسی دوام ائتدیردی.
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت