خبر های ویژه
2 شهریور 1401
آینا
حسین دوزگون
آینا، گؤستر اۆزۆمده، گیزلی قالان مین غمی. آیدین ائله عالمه. منده اولان المی.
تبریز امروز:
آینا، گؤستر اۆزۆمده،
گیزلی قالان مین غمی.
آیدین ائله عالمه.
منده اولان المی.
آینا یئری برییه،
منله قاباق دور یئنه،
باخیم گؤرۆم اۆزۆمه،
گنجلیک ایزی گلدیمی؟
زلال سو تک ساچاندا،
شاوق اۆزۆمه سالاندا،
منله قارشی دوراندا،
عکس ائدیرسن دردیمی.
گل بیر باخیم اۆزۆمه،
اود ساچیلسین سنه‌ده،
آلوولادیب گؤر نئجه،
یانغین اۆره‌ک دیلیمی.
آینا سنه کیم باخیب؟
اۆره‌گیوی کیم یاخیب؟
زلالیندا کیم آخیب؟
سنده وار درد قدمی.
آنلامیرام سؤزۆنۆ،
توز دوتوبدور گؤزۆنۆ،
کدر باسیب اۆزۆنۆ،
اؤتنلرین غملی‌می؟
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت