خاقانی شیروانی

جانیم نقدر وار منه، جانان سن اولارسان

تاریخ انتشار : ۱۶:۲۷ ۲۵-۰۵-۱۴۰۱

بس دیر بئله آلداتما منی کفریله دینله خاقانیه هم کفر هم ایمان سن اولارسان خاقانی نه دیر گلسن اگر ای گوزی شهلا البته که خاقانیه خاقان سن اولارسان

تبریز امروز:

 

جانیم نقدر وار منه، جانان سن اولارسان

جانداندا عزیز اولسا بیر انسان سن اولارسان

سن ایندییه جک قلبیمه ؛ بیر قلبیدین ای یار 

بونداندا سورا، جانیم ایچون جان سن اولارسان

هر یارام ، اگر اولسا اونون مرحمی سن سن 

هر دردیم، اولارسا  اونا درمان سن اولارسان

گونلون نئجه ایسترسه، ائله وئر منه فرمان 

عمروم نقدر وار منه، سلطان سن اولارسان

ائیلرسم ، اگر شرحینی ایمانیله کفرین

باش حرفیله سرلوحه دیوان سن اولارسان 

بس دیر بئله آلداتما منی کفریله دینله

خاقانیه هم کفر هم ایمان سن اولارسان 

خاقانی نه دیر گلسن اگر ای گوزی شهلا

البته که خاقانیه خاقان سن اولارسان 

 

 


نظرات کاربران


@