تبریز امروز:
ده لی کؤنول مندن سنه امانات
دئمه بو دونیادا قالیم یاخشیدی
بیرگون اولارقوهوم-قارداش یاد اولار
دئمه اولوسوم وار،ائلیم یاخشیدیر.
***
قوچاقدان اولوبسان، قوچاق اول گینن
قادادان بلادان اوزاق اول گینن
عاشیق اول جومرد اول،آلچاق اول گینن
دئمه واریم چوخدور،پولوم یاخشیدیر!
***
بیر مجلیسه وارسان اؤزونو اؤیمه
شیطانا باج وئریب،کیمسه یه سؤیمه
قوت لی اولساندا یوخسولو دؤیمه
دئمه کی زورلویام،قولوم یاخشیدیر.
***
خسته قاسیم کیمه قیلسین دادینی
جانی چیخسین ،اؤزو چکسین اودینی
یاخشی ایگید یامان ائتمز آدینی
چون کو یامان آددان اولوم یاخشیدیر.
